Գևորգ Մուրադյան
- Վիքիպեդիայում կան հոդվածներ Մուրադյան ազգանունով այլ մարդկանց մասին։
Անվան այլ կիրառումների համար տե՛ս՝ Գևորգ Մուրադյան (այլ կիրառումներ)
| Գևորգ Մուրադյան | |
|---|---|
| Ծնվել է | մարտի 1, 1947 (77 տարեկան) Երևան  Հայաստան |
| Երկիր |  ԽՍՀՄ և Հայաստան |
| Մասնագիտություն | դիրիժոր |
| Կրթություն | Երևանի Կոմիտասի անվան պետական կոնսերվատորիա |
Գևորգ Մուրադյան (մարտի 1, 1947, Երևան, Հայկական ԽՍՀ, ԽՍՀՄ), հայ դիրիժոր։ Արցախի վաստակավոր արտիստ (2009)[1]։
Կենսագրություն
[խմբագրել | խմբագրել կոդը]Գևորգ Մուրադյանը ծնվել է Երևանում։ 1973 թվականին ավարտել է Երևանի Կոմիտասի անվան պետական կոնսերվատորիայի օպերային և սիմֆոնիկ դիրիժորության բաժինը, 1986-1987 թվականներին կատարելագործվել է Վիեննայի երաժշտական ակադեմիայի ասպիրանտուրայում։
1974-1990 թվականներին եղել է Հայաստանի հեռուստատեսության և ռադիոյի սիմֆոնիկ նվագախմբի դիրիժորը, 1991 թվականին նշանակվել է Երևանի սիմֆոնիկ նվագախմբի դիրիժոր, 1995 թվականին՝ ֆիլհարմոնիկ երգչախմբի ղեկավար և դիրիժոր։ 2004 թվականին նշանակվել է Արցախի պետական կամերային նվագախմբի գեղարվեստական ղեկավար և գլխավոր դիրիժոր[2]։
Գևորգ Մուրադյանի ղեկավարությամբ երգչախումբը նախապատրաստել է Մոցարտի, Վերդիի, Բեռլիոզի, Բրամսի, Ֆորեի Ռեքվիեմները, Հենդելի «Մեսիա» օրատորիան, Վիվալդիի «Գլորիան», Բեթհովենի 9-րդ սիմֆոնիան, Կարլ Օրֆի «Կարմինա Բուրանա» կանտատը, հայ կոմպոզիտորների խմբերգային շատ գործեր։ Ղեկավարել է Հայաստանի պետական ֆիլհարմոնիկ նվագախմբի հոգևոր երաժշտության համերգները։ Աշխատել է նաև Սուրբ Գևորգ եկեղեցու և Էջմիածնի Մայր Տաճարի եկեղեցական երգչախմբերի հետ։ Դասավանդել է Երևանի կոնսերվատորիայի օպերային պատրաստման ամբիոնում (դոցենտ), եղել է օպերային ստուդիայի առաջին դիրիժորներից։ Հանդես է եկել Գերմանիայում, Ավստրիայում, Ֆրանսիայում, Իտալիայում, Կիպրոսում, Հունաստանում, Պարսկաստանում և Խորհրդային միության քաղաքներում։ 2012 թվականին նրա ղեկավարությամբ նվագախումբը համերգներով հանդես է եկել Նորվեգիայի Բերգեն քաղաքում, 2013 թվականին՝ Մոսկվայում, 2015 թվականին՝ ԱՄՆ Լոս Անջելես և Բոստոն քաղաքներում[3][4]։
Պարգևներ, մրցանակներ
[խմբագրել | խմբագրել կոդը]- Դիրիժորների համամիութենական 5-րդ մրցույթի մրցանակակիր, Մոսկվա, 1983
- Արցախի վաստակավոր արտիստ, 2009[1]
Ծանոթագրություններ
[խմբագրել | խմբագրել կոդը]- ↑ 1,0 1,1 «Մաեստրո Գևորգ Մուրադյանին շնորհվել է Արցախի Հանրապետության ժողովրդական արտիստի կոչում». artsakhpress.am. Արխիվացված է օրիգինալից 2017-03-07-ին. Վերցված է 2019 թ․ մարտի 1-ին.
- ↑ AGBU. «Գևորգ Մուրադյան». www.agbu.am. Արխիվացված է օրիգինալից 2019 թ․ հունվարի 25-ին. Վերցված է 2019 թ․ մարտի 1-ին.
- ↑ «Գևորգ Մուրադյան». Արխիվացված է օրիգինալից 2017 թ․ հունիսի 30-ին. Վերցված է 2019 թ․ ապրիլի 22-ին.
- ↑ Գևորգ Մուրադյանի կենսագրությունը zarkfoundation.com կայքում
|
